ЦОГГАГ

ЦОГГАГ
Рагон ирон бæрæгбон. Лæппуйыл-иу æртæ азы куы сæххæст, иуныхасæй, хорз цæуынхъом-иу куы фæци, уæд-иу ын Куадзæны цыппæрæмы скодтой хъæлдзæг æмæ рæвдауæн бæрæгбон Цоггаг. Уæдмæ йын-иу къахæй-сæрмæ æрцæттæ кодтой ног ирон уæлæдарæс: хæдбынтæ, куырæт, цухъа, ирон рон, хъама, худ. Йæ номæвæрæг ын-иу сарæзта æрдын æмæ фат. Уыцы арæзтæй-иу лæппу кæнæ лæппутæ хъæуыл æрзылдысты сæ номæвæрджытимæ. Æмæ сын ног чындзытæ тырæнхъæлæй сæ фæдыл бастой мысайнаджы хуызы рæсугъд хæцъилы уаццæгтæ. Хæдзары кусæрттаг, фынг-иу куы сцæттæ сты, сых кæнæ хъæуæй хуынд адæм-иу дзы куы скуывтой, уæд, Цоггаг кæй номыл конд уыд, уый йæ номæвæрæгимæ чъири, физонæг æмæ бæгæныимæ æрвыстой хæстæгдæр дзуары бынмæ. Уым-иу лæппуйы бафæдзæхстой дзуарыл, йæ фат та йын-иу кувæндоны къулыл бафидар кодтой.
Куырттаты комы Цымытийы, стæй хæстæг хъæутæ сæ æртæаздзыд лæппуты кодтой Тхосты дзуары бынмæ, æмæ сын-иу уым сарæзтой фатæй æхсынæй æмæ кафынæй ерыстæ. Фæллад лæппуты иу куывды арфæйæггæгтимæ сæ хъæбысы æрхастой сæ хæдзæрттæм сæ номæвæрджытæ.

Словарь по этнографии и мифологии осетин. 2014.

Поможем решить контрольную работу

Смотреть что такое "ЦОГГАГ" в других словарях:

  • ТХОСТ — Хæстонты бардуаг, ирон адæмы тыхгæнджытæй, знæгтæй хъахъхъæнæг бардуаг. Уымæ гæсгæ, фылдæр ауды хæстонтыл, у зын сахаты сæ фæдисон, се ххуысгæнæг. Фынджы хистæр ын æртæ чъирийæ йæ ном аргæйæ фæзæгъы: «Тхосты дзуар, табу дæхицæн! Нæ бæстыл… …   Словарь по этнографии и мифологии осетин

  • Ц — А Æ Б Г Д Дж Дз Е З И Й К Къ Л М …   Словарь по этнографии и мифологии осетин

  • ЦÆУÆГГАГ — кæс ЦОГГАГ кæс «АРВЫ ДУАР» Ы СÆРГÆНДТÆ …   Словарь по этнографии и мифологии осетин


Поделиться ссылкой на выделенное

Прямая ссылка:
… Нажмите правой клавишей мыши и выберите «Копировать ссылку»